Examen de Corpo administrativo da Administración xeral de la Xunta de Galicia

Las 15 primeras preguntas, con su respuesta

La respuesta marcada es la de la plantilla provisional del Tribunal.

1. Pregunta 1

   Para os efectos da Lei 39/2015, do 1 de outubro, do procedemento administrativo común das administracións públicas e segundo o sinalado polo artigo 2 da devandita lei, cal das seguintes entidades non forma parte do sector público institucional?:

   1. a)As entidades de dereito privado vinculadas ou dependentes das administracións públicas.
   2. b)As entidades que integran a Administración local.✓ correcta
   3. c)As universidades públicas.

2. Pregunta 2

   De acordo co disposto no artigo 6 da Lei 39/2015, do 1 de outubro, do procedemento administrativo común das administracións públicas, cal dos seguintes datos non está previsto que forme parte da información mínima que debe de constar nos asentos que se realicen nos rexistros electrónicos xerais e particulares de apoderamentos?:

   1. a)Período de tempo polo cal se outorga o poder.
   2. b)Obxecto do apoderamento.✓ correcta
   3. c)Data de inscrición.

3. Pregunta 3

   Un dos seguintes sistemas non está previsto como un daqueles que poderán utilizar os interesados para identificarse electronicamente ante as administracións públicas no artigo 9 da Lei 39/2015, do 1 de outubro, do procedemento administrativo común das administracións públicas. Sinálese cal:

   1. a)Sistemas baseados en claves electrónicas recoñecidas de certificado electrónico expedidas por prestadores incluídos na “Lista de confianza de prestadores de servizos de certificación”.✓ correcta
   2. b)Sistemas baseados en certificados electrónicos cualificados de sinatura electrónica expedidos por prestadores incluídos na “Lista de confianza de prestadores de servizos de certificación”.
   3. c)Sistemas baseados en certificados electrónicos cualificados de selo electrónico expedidos por prestadores incluídos na “Lista de confianza de prestadores de servizos de certificación”.

4. Pregunta 4

   O artigo 12 da Lei 39/2015, do 1 de outubro, do procedemento administrativo común das administracións públicas, imponlles ás administracións públicas a obriga de que asistan aos interesados no uso de medios electrónicos. A quen en concreto?:

   1. a)Aos interesados que así o soliciten e que non están obrigados a relacionarse electrónicamente coa Administración.✓ correcta
   2. b)A todos os interesados nun procedemento administrativo.
   3. c)Unicamente a aqueles interesados que, pola súa falta de formación, o necesiten.

5. Pregunta 5

   De acordo co disposto polo artigo 21 da Lei 39/2015, do 1 de outubro, do procedemento administrativo común das administracións públicas, a partir de que momento comeza a contarse o prazo máximo no que debe notificarse a resolución expresa cando se trate de procedementos iniciados de oficio?:

   1. a)Desde a data do acordo de iniciación.✓ correcta
   2. b)Desde a data en que se publica o acordo de iniciación.
   3. c)Desde a data en que se notifica o acordo de iniciación.

6. Pregunta 6

   Cando se soliciten informes preceptivos a un órgano da mesma ou distinta Administración, poderase suspender o transcurso do prazo máximo legal para resolver un procedemento e notificar a resolución, por un prazo que non poderá exceder en ningún caso de (artigo 22 da LPAC):

   1. a)Dous meses.
   2. b)Tres meses✓ correcta
   3. c)Un mes.

7. Pregunta 7

   Cando unha Administración pública teña que ditar, no ámbito das súas competencias, un acto que necesariamente teña por base outro ditado por unha Administración pública distinta e aquela entenda que é ilegal (artigo 39 da LPAC):

   1. a)Poderá apartarse do sentido deste sen ter que motivar o seu propio acto.
   2. b)Poderá requirir a esta previamente para que anule ou revise o acto.✓ correcta
   3. c)Declararao lesivo para o interese público tras a impugnación ante a orde xurisdicional contencioso-administrativa.

8. Pregunta 8

   A teor do disposto polo artigo 39 da Lei 39/2015, do 1 de outubro, do procedemento administrativo común das administracións públicas, en que situacións poderá outorgarse eficacia retroactiva aos actos administrativos?:

   1. a)En ningún caso.
   2. b)Excepcionalmente.✓ correcta
   3. c)En calquera caso.

9. Pregunta 9

   Segundo o artigo 56 da Lei 39/2015, do 1 de outubro, do procedemento administrativo común das administracións públicas, non se poderán adoptar medidas provisionais:

   1. a)Unha vez iniciado o procedemento administrativo.
   2. b)Cando impliquen violación de dereitos amparados polas leis.✓ correcta
   3. c)Antes da iniciación do procedemento administrativo.

10. Pregunta 10

    Segundo o artigo 57 da Lei 39/2015, do 1 de outubro, do procedemento administrativo común das administracións públicas, que órgano administrativo é o competente para dispoñer a acumulación dun procedemento a outros?:

    1. a)O que inicie ou tramite un procedemento.✓ correcta
    2. b)O que resolva un procedemento.
    3. c)O superior xerárquico do que inicie un procedemento.

11. Pregunta 11

    No caso de que os particulares presuntamente lesionados non comparezan no prazo que se lles conceda para que acheguen cantas alegacións, documentos ou información estimen conveniente ao seu dereito e propoñan cantas probas sexan pertinentes para o recoñecemento deste, nun procedemento de responsabilidade patrimonial (artigo 65 da LPAC):

    1. a)Instruirase igualmente o procedemento iniciado.✓ correcta
    2. b)Declararáselles decaídos no seu dereito ao trámite e o órgano instrutor resolverá a finalización do procedemento.
    3. c)Concederáselles a ampliación do prazo inicialmente concedido por un período que non exceda da metade de duración daquel.

12. Pregunta 12

    Segundo o artigo 71 da Lei 39/2015, do 1 de outubro, do procedemento administrativo común das administracións públicas, o procedemento impulsarase:

    1. a)De oficio en todos os seus trámites e a través de medios electrónicos.✓ correcta
    2. b)A instancia de parte en todos os seus trámites e a través de medios electrónicos.
    3. c)De oficio en todos os seus trámites e a través de medios analóxicos.

13. Pregunta 13

    Cal das seguintes é unha consecuencia do principio de simplificación administrativa? (artigo 72 da LPAC):

    1. a)Que se acorden nun só acto todos os trámites que, pola súa natureza, admitan un impulso simultáneo e non sexa obrigado o seu cumprimento sucesivo.✓ correcta
    2. b)Que o órgano administrativo que inicie ou tramite un procedemento, calquera que fose a forma da súa iniciación, poida dispoñer, de oficio ou a instancia de parte, a súa acumulación a outros cos que garde identidade substancial ou íntima conexión.
    3. c)Que as pretensións correspondentes a unha pluralidade de persoas que teñan un contido e fundamento idéntico ou substancialmente similar poidan ser formuladas nunha única solicitude.

14. Pregunta 14

    Dispón o artigo 80 da Lei 39/2015, do 1 de outubro, do procedemento administrativo común das administracións públicas que, con carácter xeral, os informes serán emitidos a través de medios electrónicos e no prazo de:

    1. a)Vinte días.
    2. b)Cinco días.
    3. c)Dez días.✓ correcta

15. Pregunta 15

    Segundo o artigo 81 da Lei 39/2015, do 1 de outubro, do procedemento administrativo común das administracións públicas, nos procedementos de responsabilidade patrimonial en que sexa preceptivo o ditame do Consello de Estado ou órgano consultivo autonómico, este emitirase no prazo de:

    1. a)Un mes.
    2. b)Dous meses.✓ correcta
    3. c)Tres meses.