Examen de Corpo auxiliar da Administración xeral de la Xunta de Galicia

15 preguntas de este examen, con su respuesta

La respuesta marcada es la de la plantilla provisional del Tribunal.

1. Pregunta 1

   De conformidade co artigo 7 da Lei 39/2015, do 1 de outubro, do procedemento administrativo común das administracións públicas, cando nunha solicitude, escrito ou comunicación figuren varios interesados, as actuacións a que dean lugar efectuaranse:

   1. a)Co que figure en primeiro termo, en calquera caso.
   2. b)Co que decida discrecionalmente a Administración.
   3. c)Co representante ou co interesado que expresamente se sinalase.✓ correcta

2. Pregunta 5

   Sinala o artigo 11 da Lei 39/2015, do 1 de outubro, do procedemento administrativo común das administracións públicas que as administracións públicas só lles requirirán aos interesados o uso obrigatorio de sinatura para unha serie de actuacións, entre as cales non se atopa unha das seguintes. Sinálese cal:

   1. a)Presentar declaracións responsables ou comunicacións.
   2. b)Desistir de accións.
   3. c)Presentar documentación no rexistro.✓ correcta

3. Pregunta 6

   Sinala o artigo 16 da Lei 39/2015, do 1 de outubro, do procedemento administrativo común das administracións públicas que os documentos presentados de maneira presencial ante as administracións públicas:

   1. a)Deberán ser dixitalizados pola oficina de asistencia en materia de rexistros na que fosen presentados para a súa incorporación ao expediente administrativo electrónico.✓ correcta
   2. b)Deberán ser dixitalizados polos interesados para a súa incorporación ao expediente administrativo electrónico.
   3. c)Deberán ser certificados por algunha das entidades prestadoras de servizos de certificación.

4. Pregunta 8

   Segundo o artigo 18 da Lei 39/2015, do 1 de outubro, do procedemento administrativo común das administracións públicas, os interesados nun procedemento que coñezan datos que permitan identificar outros interesados que non comparecesen nel teñen:

   1. a)O deber de proporcionarllos á Administración actuante.✓ correcta
   2. b)O deber de comunicarllo a esa persoa.
   3. c)O dereito a non declaralo á Administración actuante.

5. Pregunta 9

   Sinala o artigo 19 da Lei 39/2015, do 1 de outubro, do procedemento administrativo común das administracións públicas que a comparecencia das persoas ante as oficinas públicas, xa sexa presencialmente ou por medios electrónicos, só será obrigatoria:

   1. a)En supostos excepcionais debidamente acreditados.
   2. b)Cando sexa necesario para a correcta tramitación do expediente.
   3. c)Cando así estea previsto nunha norma con rango de lei.✓ correcta

6. Pregunta 11

   O prazo establecido no artigo 24 da Lei 39/2015, do 1 de outubro, do procedemento administrativo común das administracións públicas para que a Administración expida un certificado acreditativo do silencio producido é de:

   1. a)Quince días contados desde que se solicitou.
   2. b)Dez días desde que expire o prazo máximo para resolver o procedemento.
   3. c)Quince días desde que expire o prazo máximo para resolver o procedemento.✓ correcta

7. Pregunta 12

   En cal dos seguintes supostos o vencemento do prazo máximo establecido sen que se ditase e notificase resolución expresa non levará necesariamente que se produza a caducidade do procedemento? (artigo 25 da LPAC):

   1. a)Procedementos en que a Administración exercite potestades sancionadoras.
   2. b)Procedementos dos que puidese derivarse o recoñecemento de dereitos.✓ correcta
   3. c)Procedementos en que a Administración exercite potestades de intervención susceptibles de producir efectos de gravame.

8. Pregunta 14

   O artigo 27 da Lei 39/2015, do 1 de outubro, do procedemento administrativo común das administracións públicas define a dixitalización como:

   1. a)O proceso técnico que permite converter un documento nun ficheiro dixital que contén a identidade do órgano que expediu o documento.
   2. b)O proceso tecnolóxico que permite converter un documento en soporte papel ou noutro soporte non electrónico nun ficheiro electrónico que contén a imaxe codificada, fiel e íntegra do documento.✓ correcta
   3. c)O proceso telemático que permite converter un documento en soporte papel nun ficheiro dixital que contén a sinatura incorporada do órgano que o emite.

9. Pregunta 15

   En ausencia de oposición do interesado, as administracións públicas deberán solicitar os documentos electronicamente a través das súas redes corporativas ou mediante consulta ás plataformas de intermediación de datos ou outros sistemas electrónicos habilitados para o efecto. Cando se trate de informes preceptivos xa elaborados por un órgano administrativo distinto ao que tramita o procedemento, estes deberán ser remitidos no prazo (artigo 28 da LPAC):

   1. a)De quince días contados desde a súa solicitude.
   2. b)Que determine o órgano que o solicite, que en ningún caso poderá ser superior a dez días.
   3. c)De dez días contados desde a súa solicitude.✓ correcta

10. Pregunta 17

    Conforme ao disposto no artigo 5 da lei 40/2015, de 1 outubro, de réxime xurídico do sector público, a creación de calquera órgano administrativo esixirá o cumprimento dos seguintes requisitos:

    1. a)Dotación do persoal necesario para a súa posta en marcha e funcionamento.
    2. b)Dotación dos créditos necesarios para a súa posta en marcha e funcionamento.✓ correcta
    3. c)Delimitación dos seus órganos superiores.

11. Pregunta 18

    Conforme ao disposto no artigo 5 da Lei 40/2015, do 1 de outubro, de réxime xurídico do sector público, terán a consideración de órganos administrativos:

    1. a)As unidades administrativas ás que non se lles atribúan funcións que teñan efectos xurídicos fronte a terceiros.
    2. b)As unidades administrativas cuxa actuación non teña carácter preceptivo.
    3. c)As unidades administrativas ás que se lles atribúan funcións que teñan efectos xurídicos fronte a terceiros ou cuxa actuación teña carácter preceptivo.✓ correcta

12. Pregunta 19

    Conforme ao disposto no artigo 6 de a Lei 40/2015, do 1 outubro, de réxime xurídico do sector público, o incumprimento das instrucións ou ordes de servizo:

    1. a)É causa de nulidade de pleno dereito dos actos ditados polos órganos administrativos.
    2. b)É causa de anulabilidade dos actos ditados polos órganos administrativos.
    3. c)Non afecta por si só á validez dos actos ditados polos órganos administrativos.✓ correcta

13. Pregunta 20

    Conforme ao disposto no artigo 6 da Lei 40/2015, do 1 de outubro, de réxime xurídico do sector público, as instrucións e ordes de servizo publicaranse no boletín oficial que corresponda:

    1. a)Cando unha disposición específica así o estableza.✓ correcta
    2. b)En ningún caso serán obxecto de publicación.
    3. c)Serán obxecto de publicación cando se estime conveniente por razón do seu contido.

14. Pregunta 21

    Conforme ao disposto no artigo 7 de a Lei 40/2015, do 1 outubro, de réxime xurídico do sector público, a Administración consultiva poderá articularse mediante órganos específicos dotados de:

    1. a)Dependencia orgánica e funcional con respecto á Administración activa.
    2. b)Autonomía orgánica e funcional con respecto á Administración activa.✓ correcta
    3. c)Dependencia orgánica con respecto á Administración activa.

15. Pregunta 22

    Conforme ao disposto no artigo 7 da Lei 2/2015, do 29 de abril, do emprego público de Galicia, o persoal funcionario ao servizo das entidades locais galegas réxese por:

    1. a)A lexislación básica estatal que lle resulte de aplicación e pola Lei 2/2015, do 29 de abril, do emprego público de Galicia, coas especialidades reguladas no seu título X.✓ correcta
    2. b)A lexislación xeral de forzas e corpos de seguridade e pola súa lexislación específica.
    3. c)A lexislación orgánica de universidades e as súas disposicións de desenvolvemento.