Examen de Corpo auxiliar da Administración xeral de la Xunta de Galicia

Las 15 primeras preguntas, con su respuesta

La respuesta marcada es la de la plantilla provisional del Tribunal.

1. Pregunta 1

   A teor da regulación contida no artigo 4 da Lei 39/2015, do 1 de outubro, do procedemento administrativo común das administracións públicas, cal dos seguintes supostos non encaixa coa definición de interesado?:

   1. a)O que promova o procedemento como titular de dereitos ou intereses lexítimos individuais ou colectivos.
   2. b)O que, sen iniciar o procedemento, teña dereitos que poidan resultar afectados pola decisión que nel se adopte.
   3. c)O que, sen iniciar o procedemento, teña calquera tipo de interese nel.✓ correcta

2. Pregunta 2

   Conforme ao artigo 5 da Lei 39/2015, do 1 de outubro, do procedemento administrativo común, quen poderá actuar en representación doutra persoa ante as administracións públicas?:

   1. a)As persoas xurídicas en todo caso.
   2. b)As persoas físicas en todo caso.
   3. c)As persoas físicas con capacidade de obrar.✓ correcta

3. Pregunta 3

   Segundo o artigo 10 da Lei 39/2015, do 1 de outubro, do procedemento administrativo común das administracións públicas, os interesados poderán asinar a través de calquera medio que permita acreditar:

   1. a)A autenticidade da expresión da súa vontade e consentimento, aínda que non acredite a integridade e a inalterabilidade do documento.
   2. b)A autenticidade da expresión da súa vontade ou a integridade.
   3. c)A autenticidade da expresión da súa vontade e consentimento, así como a integridade e inalterabilidade do documento.✓ correcta

4. Pregunta 4

   Un dos dereitos recoñecidos a quen ten capacidade de obrar ante as administracións públicas no artigo 13 da Lei 39/2015, do 1 de outubro, do procedemento administrativo común das administracións públicas é o de comunicarse coas administracións públicas a través de:

   1. a)Un punto de contacto electrónico da Administración.
   2. b)Un punto de acceso xeral electrónico da Administración.✓ correcta
   3. c)Un punto de comunicación electrónico da Administración.

5. Pregunta 5

   Segundo o artigo 15 da Lei 39/2015, do 1 de outubro, do procedemento administrativo común das administracións públicas, se concorresen varios interesados no procedemento e existise discrepancia en canto á lingua, o procedemento tramitarase en:

   1. a)Galego.
   2. b)Castelán.✓ correcta
   3. c)En ambas as dúas por duplicado.

6. Pregunta 6

   Os documentos electrónicos deberán conservarse nun formato que permita garantir a autenticidade, integridade e conservación do documento, así como a súa consulta, con independencia do tempo transcorrido desde a súa emisión. A eliminación dos devanditos documentos (artigo 17 da LPAC):

   1. a)Deberá ser autorizada de acordo co disposto na normativa aplicable.✓ correcta
   2. b)Deberá ser comunicada de acordo co disposto na normativa aplicable.
   3. c)Deberá ser xustificada de acordo co disposto na normativa aplicable.

7. Pregunta 7

   Aclara o artigo 19 da Lei 39/2015, do 1 de outubro, do procedemento administrativo común das administracións públicas que as administracións públicas lle entregarán ao interesado certificación acreditativa da comparecencia:

   1. a)Cando así o solicite.✓ correcta
   2. b)Unicamente cando esta comparecencia fose presencial.
   3. c)En todo caso.

8. Pregunta 8

   En todo caso, as administracións públicas informarán os interesados do prazo máximo establecido para a resolución dos procedementos e para a notificación dos actos que lles poñan termo, así como dos efectos que poida producir o silencio administrativo. A dita mención incluirase na notificación ou publicación do acordo de iniciación de oficio ou na comunicación que se dirixirá para o efecto ao interesado (artigo 21 da LPAC):

   1. a)Dentro dos dez días seguintes á presentación da solicitude iniciadora do procedemento no rexistro do órgano competente para resolver.
   2. b)Dentro dos dez días seguintes á recepción da solicitude iniciadora do procedemento no rexistro electrónico da Administración ou organismo competente para a súa tramitación.✓ correcta
   3. c)Dentro dos dez días seguintes á presentación da solicitude iniciadora do procedemento no rexistro da Administración á que pertenza o órgano competente ou organismo para a súa tramitación.

9. Pregunta 9

   Excepcionalmente, cando se esgoten os medios persoais e materiais dispoñibles, o órgano competente para resolver poderá acordar de maneira motivada a ampliación do prazo máximo de resolución e notificación, sen que poida ser este con carácter xeral (artigo 23 da LPAC):

   1. a)Superior ao establecido para a tramitación do procedemento.✓ correcta
   2. b)Superior a tres meses.
   3. c)Superior a seis meses.

10. Pregunta 10

    Respecto dos documentos electrónicos emitidos polas administracións públicas que se publiquen con carácter meramente informativo, sinala o artigo 26 da Lei 39/2015, do 1 de outubro, do procedemento administrativo común das administracións públicas que:

    1. a)Requiren de sinatura electrónica.
    2. b)Será necesario identificar a súa orixe.✓ correcta
    3. c)Será necesario identificar o seu destino.

11. Pregunta 11

    En cal dos seguintes casos poderán as administracións solicitar de maneira motivada o cotexo das copias achegadas polo interesado? (artigo 28 da LPAC):

    1. a)Cando se trate de documentos de carácter preceptivo.
    2. b)Cando o documento achegado polo interesado estivese en formato papel.
    3. c)Cando existan dúbidas derivadas da calidade da copia.✓ correcta

12. Pregunta 12

    Sinala o artigo 30 da Lei 39/2015, do 1 de outubro, do procedemento administrativo común das administracións públicas que os prazos expresados en días se contarán a partir:

    1. a)Do día en que teña lugar a notificación ou publicación do acto de que se trate.
    2. b)Do día seguinte a aquel en que teña lugar a notificación ou publicación do acto de que se trate.✓ correcta
    3. c)Do día en que se dite o acto de que se trate.

13. Pregunta 13

    Respecto dos actos que poñan fin aos procedementos selectivos e de concorrencia competitiva, sinala o artigo 35 da Lei 39/2015, do 1 de outubro, de procedemento administrativo común das administracións públicas que:

    1. a)Serán motivados, con sucinta referencia de feitos e fundamentos de dereito.
    2. b)Se exceptúan da necesidade de motivación.
    3. c)Serán motivados, de conformidade co que dispoñan as normas que regulen as súas convocatorias.✓ correcta

14. Pregunta 14

    No caso de que o primeiro intento de notificación se realizase antes das quince horas, o segundo intento deberá realizarse despois das quince horas, e viceversa, e deixarase en todo caso polo menos unha marxe de diferenza entre ambos os intentos de notificación de (artigo 42 da LPAC):

    1. a)Cinco horas.
    2. b)Dúas horas.
    3. c)Tres horas.✓ correcta

15. Pregunta 15

    Segundo o sinalado polo artigo 47 da Lei 39/2015, do 1 de outubro, do procedemento administrativo común das administracións públicas, os actos ditados por órgano manifestamente incompetente por razón da materia ou do territorio determinarán:

    1. a)A súa invalidez.
    2. b)A súa nulidade de pleno dereito.✓ correcta
    3. c)A súa anulabilidade.